Skatti
Ritt, Mix, 1 Joer et 3 Méint

Mat menger Angscht ware meng Léit iwwerfuerdert an hunn iergendwann opginn. Ech si mat 4 Méint aus Italien komm a kee weess wat vu Rass a mir stécht.

Ech si ganz zréckgehalent a fäerte villes, alles wat ech net kennen gëtt vu mir direkt mol ugebillt. Villäicht verschwënnt dann dat virun deem ech mech fäerten.Leit hei am Asyl huele mech dann op Säit a vermëttele mir Sécherheet, dat hëlleft mir vill.

Ech brauch nach Erzéiung an Uleedung op eng douce Aart a Weis, well ech sinn elo an der Pubertéit.

Kanner déi respektvoll mat mir ëmgi kenne gären a mengem neien Doheem sinn

Charakter: Timide au début
Versteet sech mat anere Kazen: Nach net pobeiert
Versteet sech mat Honn: Jo
Versteet sech mat Kanner: Jo
Identifikatioun: Chip
Daisy
Mudder, Malinois Mix, 11 Joer
Do sinn ech erëm, méin Gléck war leider net vun laanger Dauer.
Nodeem méin Mënsch gestuerwen ass, sinn ech erëm adoptéiert ginn. Si huet mech verstane mat menger Angscht virun friemen Leit an huet mirZéit ginn fir mech mat mengen Muppenkollegen déi schonn am Haus gelieft hunn unzefrënnen.
Hunn ech fréier aus Angscht gebass, sinn ech haut mengem Alter entspriechend vill méi roueg an kommen no enger Zéit an mat e bësschen Gedold vum selwen schmusen.
Ech hunn et gären e bësschen méi gemittlech, Kanner an Muppenkolegen mussen et an mengem neien doheem net ginn.
Charakter: Gentil
Versteet sech mat aneren Honn: Ok +-
Versteet sech mat Kazen: Non
Versteet sech mat Kanner: Non
Identifikatioun: Chip
James
Ritt, BEAGLE, 5 Joer et 4 Méint

Do hat wuel een ënnerschätzt wéi vill Zäit ee fir en Mupp wéi mech brauch. Ech sinn en Beagle/Braque-mix vu 5 Joer mat vill Energie.

Ech wënsche mir aktiv Mënschen, déi vill Zäit fir mech hunn, a mat mir net nëmme grouss Tier trëppele ginn, mee och méi Kapp schaffen dinn.

Nuesenaarbecht, Maintrailing oder ähnlech Aktivitéite géinge mech Aartgerecht auslaaschten. Well a menge Genen ass en richtege Jeeër, esou dass ee mech och net vun der Léngt ka loossen. Et kann een dat awer an déi richteg Richtung leeden duerch en Training fir deen ech allzäit op sinn.

Mat engem Muppemeedche géif ech mech ganz sécher verdroen. Muppejonge sichen ech mir no Sympathie aus. Dobaussen hunn ech se léiwer op Distanz.

Kanner kennen ech, ech well awer mat Respekt behandelt ginn. Duerch mäin freedegt Temperament sinn ech relativ stiermesch, esou dass ech kleng Kanner mol ëmrenne kann.

Kleng Déieren a Kaze sollten net a mengem neien Doheem sinn.

 

Charakter: Très gentil et actif
Versteet sech mat aneren Honn: +- OK
Versteet sech mat Kazen: Nee
Versteet sech mat Kanner: Wann si respektvoll mam Mupp ëmginn
Identifikatioun: CHIP
Sammy
Mudder, Bichon, 3 Joer et 10 Méint

Sammy, e jonkt an dynamescht Bichonmeedchen dat sinn ech. Bei frieme Mënsche sinn ech am Ufank e bësschen ängschtlech, soss awer ganz onkomplizéiert. Mat aneren Hënn ginn ech eens, soulaang si akzeptéieren dass ech den Toun uginn. Och mat Mieze géif ech mech verstoen, ech gi kucken an duerno loossen ech si lenks leien.

 

Charakter: Gentil
Versteet sech mat aneren Honn: Jo
Versteet sech mat Kazen: Gi kucken an duerno loossen ech si lenks leien
Versteet sech mat Kanner: Jo mat Kanner déi wëssen wei mat engem Mupp emgoen​
Liewen an der Famill: Jo
Identifikatioun: Chip
Baloo
Ritt, XBorder Collie, 1 Joer et 8 Méint

Als Welpen bei engem Schéifer op Welt komm, an als Mupp deem seng Elteren en Border Collie an en Altdeutscher Hütehund sinn, déi nach richteg bei de Schof schaffen, sinn ech menger Famill ganz schnell iwwer de Kap gewuess.

Ech sichen en Doheem mat Léit déi wëssen, dass ech méi wéi einfach Spadséiergäng brauch, an déi sech och bewosst sinn, dass ech nach net vill a mengem Liewe geléiert hunn. Alles wat ech dobausse begéingen, iwwerfuerdert mech nach schnell, wann ech meng Vertrauenspersoun net niewent mer hunn. Wann hei am Asyl mat mir trainéiert gëtt, soen se ech wier awer en richtege Musterschüler.

Ech däerf net mat engem Ball, dee geschoss gëtt, beschäftegt ginn. Do dréinen ech esou op dass ech kee Frënd méi kennen.

Kleng Kanner sollten net a mengem neien Doheem sinn, déi huelen ech net eescht a rennen se einfach iwwer de Koup. Jugendlecher déi respektvoll mech beschäftege géifen, fannen ech awer super.

Kaze well ech net a mengem neien Doheem, genau esou wéineg wei aner kleng Deieren.

En souveräänt Muppemeedche kann a mengem neien Doheem sinn, mat Jonge verstinn ech mech net esou gutt.

Charakter: Très gentil et actif
Versteet sech mat aneren Honn: +- ok
Versteet sech mat Kazen: Nee
Identifikatioun: CHIP
Luna
Mudder, croisement Podengo taille petite à moyenne, 6 Joer et 11 Méint

Keen weess wat ech erlieft hunn, wahrscheinlech net vill Guddes. Ech sinn Luna vu bal 7 Joer an total onsécher, doduerch hunn ech e puer Schéinheetsfeeler mat deenen ee muss ëmgoe kënnen.

Ech brauch am Beschten nëmmen een eenzele Mënsch. Dat heescht ech sichen en Doheem wou idealerweis eng Persoun eleng lieft an déi ech ganz fir mech eleng hunn. Ech beschützen si mat grommelen an Zänn weisen, genau esou wei mäin Fudder, dat kéint jo ee mir ewechhuelen. Schong oder Féiss si mir suspekt, virun allem wann ee mat hinne fest optrëppelt oder widder eppes kënnt wat da Kaméidi mëscht.

Grouss Spadséiergäng wäre fir mech ideal, mee awer un der Léngt, wat ech ganz gär a brav maachen.

Kazen an aner kleng Déieren, déi sinn a mengen Aen do fir ze joen, do kennt da mäin Podenco Ierwen eraus an ech flitzen allem no.

En anere Muppenfrënd(in) kann awer gär a mengem neien Doheem sinn.

Charakter: gentil et actif, mais tendance à défendre ses "ressources"
Versteet sech mat aneren Honn: +-ok mat Muppen dei dem Luna sympatesch sinn
Versteet sech mat Kazen: Nee
Identifikatioun: CHIP
Plato
Ritt, CDR Weimaraner , 7 Joer

Wann ech mat dir duerch eng Dier well kommen, ass et ganz schwéier mech dovun ofzehalen. Ech sinn a jonke Jore wahrscheinlech mat veraalte Methoden (mat Schmäerz) erzu ginn, dat weisen ech doduerch dass ech mech net méi um Hals(band) upake loossen an och soss ganz mësstrauesch sinn.

Méin Frupse loossen ech mir net ewechhuelen, a weisen dat och ganz däitlech duerch grommelen oder schnapen.

Wann ech iech awer kennen, kommen ech gäre schmusen a ginn och gäre mat iech op den Tour. Ech gi gutt un der Léngt an zeien net. Alles wat bei mir Vertrauen opbaut oder Training mat positiver Verstäerkung, gëtt vu mir gutt ugeholl.

Géint en Muppenfrënd(in) hunn ech näischt.

Kanner a Kaze sollten awer net a mengem neien doheem sinn.

Charakter: Gentil et actif
Versteet sech mat aneren Honn: ok +-
Versteet sech mat Kazen: Nee
Versteet sech mat Kanner: Nee
Identifikatioun: CHIP
Pluto
Ritt, CDR Weimaraner , 7 Joer

Keng Dier ass virun mir sécher, ech kréien se all op. Mat vill Käppchen, awer ngativ Erfarungen, déi ech am Laf vu mengem Liewe gesammelt hunn, sinn ech net ganz einfach.

Ech sinn e ganz aktive Mupp dee gäre beschäftegt a spadséiere geet.

Duerch schlecht Erzéiung a menger Jugend loossen ech mir net méi alles gefalen, a kann dat och mol mat mengen Zënn weisen. Hei hunn ech duerch positiv Verstäerkung geleiert den Mënschen erëm e bësschen ze vertrauen, trotzdeem sinn ech nach virsiichteg. Meng Erzéiung sollt op positiver Basis weidergefouert ginn, well déi al Methode mat rappen, jäizen oder Picken- an Elektrohalsband quittéieren ech mat Bäissen.

Ech sinn näischt fir bei Kanner, och Kazen an aner Deieren, sollten net a mengem neien Doheem sinn.

Géint eng Muppenfrëndin hätt ech awer bestëmmt näischt.

Charakter: Gentil et actif
Versteet sech mat aneren Honn: ok+-
Versteet sech mat Kazen: Nee
Identifikatioun: CHIP
Miro
Ritt, XPodenco , 9 Joer et 7 Méint

Awanderer sicht neit Doheem, aus Spunien an net frou mat der Keelt, sinn ech nach ëmmer op der Sich no engem Mënsch, dee mat mir eng Couch well deelen. Ech sinn en Podencobouf a kennen dat Wieder hei schonn 8 Joer.

Duerch an duerch Juegdhond, fänken ech iech alles wat mir virun Nues kennt, esou huet schonn esou muncher Villchen a Kaweechelche schlecht Erfarung mat mir gemaach. Esou dass dir iech denke kënnt, dass ech mat Kazen an anere klengen Déieren och esou géif ëmgoen. Dat heescht awer och dass ee mech net vun der Lenkt ka loossen.

Ech kennen och soss net vill vun der Welt, awer ech si bereet et mat iech an duerch iech ze leieren. Ech hunn nach ni engem Zweebeener eppes zuleeds gedoen, Kanner kennen ech net well ech hei am Asyl opgewuess sinn.

Ech hunn hei am Asyl ee Muppenfrënd an eng Muppenfrëndin, dat sinn awer déi eenzeg mat deenen ech frou sinn. All déi aner hunn ech bis elo mat menge Frënn verdriwwen. Wann ech eleng si kann een awer villäicht mol mat engem anere Mupp probéieren.

Charakter: Gentil
Versteet sech mat aneren Honn: +- OK
Versteet sech mat Kazen: Nee
Identifikatioun: CHIP
Morphi
Ritt, XPodenco , 9 Joer et 7 Méint

Als Baby a Spunie fonnt ginn, iwwer eng Organisatioun hei a Lëtzebuerg vermëttelt a just fir e puer Deeg am Asyl geparkt, sinn aus e puer Deeg Jore ginn.

Ech hunn nach net vill vun der Welt gesinn a sinn dofir onsécher an ängschtlech. Mat mir muss een sech ufrënnen, also net einfach kommen a spadséiere goen, mee mol e bësschen Zäit mat mir verbrénge bis ech keng Angscht méi virun dir hunn. Dann kommen ech awer gär an huele meng Schmuseenheeten of. Ech wäichen éischter zréck wei dass ech mech wieren, dofir brauch een e bëssche méi Gedold mat mir.

Als Podenco geziicht, sinn ech e Jeeër a liewen dat och dobaussen aus, wann ech kann. Mech däerf een also net frei lafe loossen, soss maachen ech dat fir dat ech geziicht gi sinn.

Ausser mat mengem Kolleg Miro a menger Frëndin Dora ginn ech net mat anere Muppen eens. Mat enger Muppenkollegin kann ee mol probéieren.

Un verstänneg Kanner géif ech mech bestëmmt gewinnen.

Mat Kaze kann ech net zesumme liewen, déi hunn ech "fir ze friessen" gär.

Ah jo, dat hat ech bal vergiess. Ech hunn nëmme méi een An well ech virun enger Zäit en Tumor dran hat, deen een huet missen eraushuelen. Et ass e klenge Schéinheetsfeeler dee mech awer net steiert, an ech sinn och erëm ganz gesond, esou dass ech nach vill Jore Couch mat iech deele kann.

Charakter: Timide au début
Versteet sech mat Kazen: Nee
Identifikatioun: CHIP